Programi i transparencës

Në zbatim të parashikimeve të ligjit nr. 119/2014 “Për të drejtën e informimit”, shoqëria “OSHEE GROUP” SH.A. ka miratuar dhe publikuar programin e transparencës në faqen zyrtare të internetit.
Programi i transparencës është një mekanizëm për të siguruar që autoritetet publike të jenë të hapura, të përgjegjshme dhe të ndjekshme nga publiku. Ky program është thelbësor për promovimin e llogaridhënies, integritetit dhe mënyrës së ndërtimit të besimit mes autoritetit publik dhe qytetarëve.

Programi i transparencës është publikimi i informacionit publik pa kërkesë për qytetarët. Kjo përfshin dokumente zyrtare, raporte financiare, vendime të ndryshme, ligje, akte nënligjiore dhe të dhëna tjera relevante. Informacioni i publikuar në të është lehtësisht i aksesueshëm dhe i kuptueshëm për publikun.

Programi i transparencës siguron qasjen e lirë të publikut në informacionin zyrtar të prodhuar ose të mbajtur nga shoqëria “OSHEE GROUP” SH.A.