Moti i keq në Juglindje, probleme me shtyllat dhe linjat

Operatori i Shpërndarjes së Energjisë elektrike njofton se si pasojë e reshjeve të dendura të borës në zonën e Juglindjes, janë këputur përcjellësa dhe janë rrëzuar shtylla të disa linjave të cilat kanë shkaktuar dhe problem me furnizimin me energji elektrike.

Menjëherë në terren kanë mbërritur grupet e punës të ngritura pranë drejtorive rajonale të OSHEE për riparimin e defekteve dhe përballimin e situatës së krijuar.

Për shkak të një defekti si pasojë e motit të keq me borë dhe erë të fortë,  në n/stacionin e Bilishtit, është stakuar fideri F-6 që furnizon zonën e Liqenasit.

Po punohet për riparimin e shtyllës së dëmtuar.

Fideri i Cërvenakës në n/stacionin Guri i Kuq është stakuar për shkak të një defekti.

Po punohet për riparimin e tij.

Fidri Vithkuq /stacionit Rehovë, është stakuar pasi ka këputje të përcjellësave dhe rënie të shtyllave.

Fidri 17 që furnizon zonën e Voskopojës ka të demtuar përcjellësa dhe po punohet për riparimin e defektit.

Në zonën e Gjirokastrës janë pa energji elektrike fshatrat Krinë, Tranushishtë, Saraqishtë, për shkak të defekteve në linjat e tensionit të ulët.

I gjithë personeli teknik në Drejtorinë Rajonale Gjirokastër është në gadishmëri, por është vështirësuar shumë riparimi i defekteve pasi kanë filluar reshje të dendura të borës.

Në qytetin e Sarandës është stakuar fidri 10kV e për pasojë kanë mbetur pa energji 130 abonentë në zonat periferi të Sarandës .

Megjithë vështirësitë e krijuara nga moti i keq po punohet nga grupet e punës së OSHEE për riparimin sa më shpejt të defekteve.