Me kërkesë të OST në kushtet e punimeve të domosdoshme për mirëmbajtjen e rrjetit në NST Ballsh, në datë 12-15 mars gjatë intervalit kohor 08:00-16:00 do të ketë stakim të energjisë elektrike.
Pa energji do të mbeten këto zona në Mallakstër:
Pjesërisht: Dukas, Drenov Fush, Pelishov, Lapunec, Ngrancie, Visok, Lofkem.
Me kërkesë të OST në kushtet e punimeve të domosdoshme për mirëmbajtjen e rrjetit në NST Ballsh, në datë 12-15 mars gjatë intervalit kohor 08:00-16:00 do të ketë stakim të energjisë elektrike.
Pa energji do të mbeten këto zona në Mallakstër: Pjesërisht: Dukas, Drenov Fush, Pelishov, Lapunec, Ngrancie, Visok, Lofkem
Në vijim të investimit për mirëmbajtjen e rrjetit, në datën 13 mars gjatë intervalit kohor 08:00-16:00 do të kryhen punime në linjën 35kV në linjën Uji i Ftohtë – Orikum.
Pa energji do të mbeten këto zona në Vlorë:
Pjesërisht: Radhimë, Jonufër.
Me kërkesë të OST në vijim të punimeve për mirëmbajtjen e rrjetit në NST Koplik 220kV (Bogiq), në datë 11 mars gjatë intervalit kohor 08:00-16:00 do të ketë stakim të energjisë elektrike.
Pa energji do të mbeten këto zona në Shkodër:
Pjesërisht: Lagjet Kiras, fshatrat Lopcej, Dobrac, subjekt privat, Shtoi i ri, Shtoi i vjetër, Boric, bashkia Koplik, qyteti Koplik, institucione shtetërore dhe financiare, N/prefektura, Shkrel, Goraj, Katun Kastrati, Gradiskije, Ktosh Demiraj, Grude fushe, Gruemire cesme, Kaldrun, Sterbeq, Jubice, Flake, Boric, Grill, Omaraj, Gruemire, Linaj, Vorfe, Kullaj, Rrash, Rrapsh, Kelmend, Stacioni Trenit, fshatrat: Vukpalaj, Hot, Tamarë, Selcë, Vermosh, Vukel.
Në vijim të investimeve për mirëmbajtjen e rrjetit, në javën 10-15 mars do të kryhen remonte të planifikuara në rrjetin e tensionit të TM/TU që përfshijnë kabina në disa rajone të OSSH, në vend.
Më poshtë, oraret e kufizimit të energjisë dhe zonat e prekura nga plani i remonteve
Në vijim të investimeve në rrjetin e shpërndarjes, për javën 10-14 mars, do të kryhen remonte të planifikuara në disa nënstacione në rajonet e Tensionit të lartë, Jugperëndim, Juglindje, Veri dhe Qendër.
Më poshtë, oraret e kufizimit dhe zonat e prekura nga remontet e planifikuara
Zv/kryeministrja dhe ministrja e Infrastrukturës dhe Energjisë, znj.Belinda Balluku e shoqëruar nga administratori i OSHEE GROUP, z.Enea Karakaçi dhe administratori i OSSH, z.Blendian Dalipi, ndoqën nga afër procesin e leximit të konsumit në matësat e energjisë elektrike, te një bllok pallatesh në Tiranë.
Sipas vendimit të ERE, më datë 1 shkurt ka nisur zbatimi i aplikimit për tarifat e reja të energjisë elektrike për konsumatorët familjarë. Çmimi i ri bazohet në dy kategori konsumi:
Administratori i OSHEE Group Enea Karakaçi tha se procesi i leximit të matësit konsiderohet mjaft i rëndësishëm, prandaj dhe OSHEE Group ka ndërmarrë një sërë masash me qëllim për të garantuar një faturim sa më korrekt dhe në kohë për çdo abonent.
“Kemi nxjerrë një urdhër të posaçëm ku kemi referuar të gjitha dinamikat e procesit të leximit, datat përkatëse kur fillon dhe mbaron, në mënyrë që periudha e konsumit të jetë 30 ditë.
Çdo konsum mbi 700 kilovat do t’i regjistrohen të dhënat në sistemin e faturimit, bazuar edhe mbi foto nga çasti i leximit, për të qenë sa më të saktë dhe transparentë me klientët për çdo ankesë që mund të kenë”, nënvizoi administratori i OSHEE Group, Enea Karakaçi.
Administratori i Operatorit të Sistemit të Shpërndarjes, Blendian Dalipi theksoi rëndësinë e transparencës për lexim të sigurt të konsumit të energjisë.
“Nga ky muaj e në vazhdim janë shtuar filtrat për leximin e faturimit. Që do të thotë, në rast se një fotografim i aparatit matës nuk është i qartë nga operatorët në sistem ky lexim nuk kalon për faturim, por i kërkohet edhe një herë lexuesit të rikthehet dhe ta riverifikojë. Fotot që dërgohen në sistem, bashkë me gjeolocation, duhet të jenë 100% të sigurta që të konfirmojmë që leximi i matësit korrespondon me leximin e sistemit”.
Ministrja e Infrastrukturës dhe Energjisë, znj.Belinda Balluku tha se muaji shkurt, është muaji i parë që aplikohet çmimi sipas kategorisë së konsumit, duke vënë theksin tek rëndësia e procesit të leximit me qëllim që ai të jetë sa më i drejtë.
“Arsyeja pse ne vendosëm që të aplikonim një çmim më të ulët sipas kategorive të konsumit, 8,5 lekë për konsumin nga 0 deri në 700 kilovat-orë është sepse kërkojmë që të sensibilizojmë të gjithë popullatën, të gjithë familjarët të cilët përfitojnë nga kjo paketë mbi 1 milion abonentë, që energjia është një mall shumë i rëndësishëm, i cili edhe duhet kursyer.
Patjetër përdorimi i tij është i domosdoshëm në jetën e përditshme, por kursimi është akoma më i rëndësishëm për shkak edhe të të gjitha kushteve që ne kemi, hidrocentraleve, varësisë nga moti”, nënvizoi Balluku.
Ky është muaji i parë që ne do të aplikojmë çmimin, por nga ana tjetër e gjithë procedura është e dizenjuar nga fillimi deri në fund që të jetë transparente.
Nga ulja e çmimit të energjisë me gati 10,5% përfitojnë afro 1 milion abonentë familjarë në të gjithë vendin.
Në të gjithë vendin OSSH numëron 870 punonjës me detyrën e lexuesit të matësit të energjisë. Në janar të këtij viti OSHEE shpalli 120 vende vakante në këtë pozicion, ku afati i aplikimit ishte data 5 shkurt. Në këtë thirrje, pranë kompanisë janë paraqitur 542 aplikime.
OSHEE Group ka hartuar Platformën e Furnizuesit, e cila tashmë është online në dy portalet kryesore të shoqërisë, në webin zyrtar www.oshee.al dhe në webin e shoqërisë bijë OSSH, www.ossh.al.
Në prezantimin e Platformës së Furnizuesit, përfaqësues të subjekteve të ndryshme të sektorit në tregun e lirë të energjisë elektrike, klientë të lidhur në tensionin 35/20kV dhe përfaqësues nga shoqëritë publike, OST, KESH, ERE, u njohën me risinë e prezantuar nga OSSH, në kuadër të digjitalizimit të shërbimeve për klientin.
Ndër sfidat e liberalizimit të tregut të energjisë, më e rëndësishmja është marrëdhënia me konsumatorët e lidhur në tension te mesëm.
“Në vitin 2018 dolën për herë të parë në tregun e lirë subjektet 35 kV. Ministria e Energjisë miratoi udhërrëfyesin për modelin e hapjes së tregut të lirë në vitin 2021 duke na ndihmuar të gjitha palët pjesëmarrëse në procesin e liberalizimit nëpërmjet parashikimit të fazave të daljes së klientëve në treg të derregulluar.
Në vijim, në vitin 2022 filluan të furnizohen nga Furnizuesi i Mundësisë së Fundit 7500 klientë të lidhur në rrjetin e shpërndarjes 20/10/6kV”, tha drejtoresha e Tregut të Energjisë, pranë Departamentit të Matjes dhe Mbështetjes së Tregut në OSSH, Beliola Vasjari.
Dalja plotësisht për klientët e lidhur në rrjetin 20kV u realizua në 1 janar 2024, duke vijuar në 1 janar të 2025 me konsumatorët e lidhur në 10kV dhe vitin e ardhshëm pritet të dalin në treg të lirë, klientët e lidhur në tensionin 6kV.
Viti 2024 shënoi shifër rekord me kërkesa, afro 300 të tilla për ndryshim furnizuesi nga klientët, gjë që solli si domosdoshmëri krijimin e një platforme online për ndryshimin e furnizuesit, një projekt të hershëm të OSSH.
Platforma nuk do të jetë thjesht hapësirë vetëm virtuale, por do të eleminojë shkëmbimin elektronik të përditshëm ndërmjet shoqërisë OSSH dhe Furnizuesve të Liçencuar të energjisë elektrike ne zbatim të Rregullave të Tregut Shqiptar të Energjisë Elektrike.
Treguesit e përmirwsuar të performancës së OSHEE Group, ulja e humbjeve teknike dhe suporti ndaj furnizuesve për rritjen e arkëtimeve, i ka dhënë mundësi Furnizuesit të Tregut të Lirë, të ofrojë shërbimet e furnzimit në mënyrë sa më profesionale.
“FTL është furnizuesi më i madh sot në tregun e lirë të energjisë elektrike. Ne kemi pozicion strategjik shumë të mirë, pasi kemi eksperiencë mbi 4-vjeçare në këtë sektor.
Stafi ynë i përbërë nga profesionistë ka një angazhim të plotë për realizimin e të gjitha detyrave funksionale. Ne sot kemi një shërbim shumë të mirë ndaj klientit, energji shumë të sigurt me çmim fiks për të gjithë klientët tanë”, tha administratori i FTL, Albi Gjenerali.
Aktualisht, FTL furnizon me energji elektrike, 85 klientë të lidhur në rrjetin e shoërndarjes 35kV, 1675 klientë në tensionin 20kV dhe 2131 klientë të tensionit 10kV.
Platforma e Furnizuesit do të krijojë një historik në menaxhimin e procesit të ndryshimit të furnizuesit. Ajo përfshin kërkesë/aprovim/arkivim për ndryshim furnizuesi, informacion në lidhje me konsumin në kohë reale nga sistemet e avancuara inteligjente ku matesat smart transmetojnë të dhënat online, që do të ndërlidhen me platformën.
“I pari është klienti që bën kërkesë për ndryshim furnizuesi. Më pas është furnizuesi aktual që ndoshta mund të jetë FSHU apo një tjetër, që verifikon çdo lloj informacion që nevojitet për këtë klient.
Me aprovimin e kërkesës së klientit, ajo shkon te furnizuesi i ri që ngarkon kontratën e re dhe statusin e klientit të ri.
Është e rëndësishme që klienti të dijë se kur bën kërkesën për ndryshim furnizuesi, në rast se aprovohet, ai bën ngarkimin e një vërtetimi debie dhe e ruan informacionin, e cila i shkon furnizuesit të ri”, tha drejtoresha e departamentit të IT në OSHEE Group, Eriselda Malaj.
Përfitimet e OSSH nga kjo platformë online është informacioni që merr në kohë të shpejtë për numrin e aplikimeve në treg të lirë, shpërndarjen automatike të tyre sipas shoqërive, rakordime automatike dhe kalkulime të faturës automatike për çdo furnizues. FSHU, FTL dhe të gjithë Furnizuesit e tjerë privat, përmes platformës së Furnizuesit, njoftohen në kohë reale për çdo aplikim pasi veprimet për ndryshimin e furnizuesit do të jenë automatike dhe lidhja e kontratës së re është online. Gjithashtu furnizuesit do të marrin në kohë reale të dhënat e matjeve orare për secilin klient që ata furnizojnë.
Në vijim të investimeve për mirëmbajtjen e rrjetit, në javën 03-08 mars do të kryhen remonte të planifikuara në rrjetin e tensionit të TM/TU që përfshijnë kabina në disa rajone të OSSH, në vend.
Më poshtë, oraret e kufizimit të energjisë dhe zonat e prekura nga plani i remonteve
Në vijim të investimeve në rrjetin e shpërndarjes, për javën 03-07 mars shkurt, do të kryhen remonte të planifikuara në disa nënstacione në rajonet e Tensionit të lartë, Jugperëndim, Juglindje dhe Qendër.