Back
24 Shkurt

Sportelet e FSHU janë hapur edhe të dielën, paguani faturën të evitoni ndërprerjen e furnizimit

Furnizuesi i Shërbimit Universal (FSHU SH.A), shoqëria përgjegëse për arkëtimin e faturave të konsumit të energjisë elektrike njofton se e diela e fundit e çdo muaji do të jetë ditë pune, pra sportelet e Kujdesit ndaj Klientit dhe Arkat do të jenë të hapura për të gjithë abonentët.
Ky vendim i vjen në ndihmë klientëve tanë që të përmbushin detyrimet e pagesës së faturës brenda afateve dhe të evitojnë sanksionet, si kamatëvonesa dhe ndërprerja e furnizimit me energji elektrike.
Duke patur parasysh se muaji shkurt ka 29 ditë u rikujtojmë abonentëve se sportelet ku paguhet fatura do të jenë të hapura gjatë pjesës së parë të ditës.
Theksojmë se vonesa për likuidimin e detyrimeve deri në dy muaj shkakton ndërprerjen e furnizimit me energji elektrike, përveçse ngarkon abonentin me kamatvonesë.
FSHU, pjesë e grupit OSHEE Sh.A, është prezente në të gjithë vendin me 100 pika shërbimi, çdo ditë të javës, ora 08:00 – 20:00 (hënë-shtunë), si dhe të dielën e fundit të çdo muaji.
•Në vijim do të gjeni hartën me qytetet dhe adresat e sporteleve që do të ofrojnë shërbim ditën e dielë, 25 shkurt, ora 08:00-16:00.

09 Shkurt

FTL publikon tarifat për klientët sipas tensionit, 18.34 lekë për 20kV dhe 15.90 lekë për 35kV

Furnizuesi i Tregut të Lirë (FTL) SH.A, pjesë e OSHEE Group SH.A. ka bërë publike tarifat e shitjes të miratuara nga Asambleja, në lidhje me klientët që furnizohen në tensionin 20-35kV.

Tarifat janë fikse dhe të vlefshme për një vit, aq sa është kohëzgjatja e kontratës së furnizimit me kategorinë e subjekteve jo-familjare, dhe konkretisht:

  • Për tensionin 20kV, tarifa e furnizimit është 18.34 lekë/kWh
  • Për tensionin 35kV, tarifa e furnizimit është 15.90 lekë/kWh

*Pa TVSH

Në zbatim të nenit 109 të Ligjit Nr.43/2015 “Për Sektorin e Energjisë Elektrike”, i ndryshuar, dhe Urdhërit të Ministrit të Infrastrukturës dhe Energjisë Nr. 217, datë 29.12.2023, “Për miratimin e udhërrëfyesit për hapjen e tregut dhe derregullimin e çmimit të energjisë elektrike”, i ndryshuar, nga muaji janar 2024, subjektet e lidhura në tensionin 20kV nuk furnizohen më nga Furnizuesi i Shërbimit Universal SH.A (FMF), por duhet ta sigurojnë vetë energjinë elektrike në tregun e lirë, të liberalizuar.

Ky vendim vjen në kuadër të legjislacionit në fuqi dhe direktivës europiane “Për liberalizimin e tregut”, proces i nisur vite më parë.

Me këtë rast, OSHEE Group SH.A. ka njoftuar me kohë 2100 subjektet e lidhura në tension 20kV se, nga 01 janari 2024 duhet të sigurojnë një furnizues të licencuar, që ofron këtë shërbim.

Furnizuesit e licencuar janë të publikuar në faqen zyrtare të Entit Rregullator të Energjisë.

Një ndër këta furnizues, i cili prej muajit mars 2020 ka ofruar shërbimin e furnizimit me energji elektrike për klientët e lidhur në nivel tensioni të mesëm, është edhe “Furnizuesi i Tregut të Lirë” SH.A.

Sipas të dhënave të fundit, rreth 99% e subjekteve në tension 20kV furnizohen nga FTL SH.A.

Linku me listën e subjekteve 20kV dhe kontrata e furnizimit me FTL-në

Lista e subjekteve në tension 20kV, OSHEE Group i fton të lidhin kontratë furnizimi me FTL nga 1 janari 2024
06 Shkurt

Karakaçi: Portal të ri shërbimesh online për klientët, lehtësojmë procedurat për “lidhjet e reja”

OSHEE Group do të lançojë këto ditë një portal të ri e të aksesueshëm për të gjithë klientët, me qëllim marrjen e shërbimeve online në formën më të shpejtë e më praktike të mundshme. Është zgjeruar gama e shërbimeve që do të ofrohen online, pa qenë nevoja të humbasësh kohë në sportelet e Kujdesit ndaj Klientit; vendim ky që e përafron OSHEE-në me standardet bashkëkohore.

Përmes intervistës në televizionin “Vizion Plus”, Administratori i Përgjithshëm i OSHEE Group Sh.A, zoti Enea Karakaçi, theksoi rëndësinë e procesit inovativ në fushën e teknologjisë dhe të shërbimeve, në drejtim të përmirësimit të marrëdhënies me klientin përmes portalit të ri, që pritet të lançohet këto ditë.

Reforma e derregullimit në fushën e shërbimeve do t’u shërbejë 1.3 milionë klientëve që ka grupi OSHEE në rang vendi.

“Lidhja e re” ose ofrimi i shërbimit të lidhjes së kontratës me OSHEE-në do të ofrohet online në portalin www.oshee.al brenda muajit shkurt 2024. Ky është njëri nga shërbimet më të kontestuara nga klientët tanë, për shkak të praktikave që çonin në zvarritje dhe humbje kohe, për të mos thënë edhe kosto ekonomike, prandaj OSHEE e vendosi në fokus të reformës së derregullimit.

“Në portalin e ri qytetari mund të ndjekë hap pas hapi të gjithë procesin e aplikimit për shërbimin e kërkuar, në cilën fazë ndodhet, deri në marrjen e përgjigjes/shërbimit. Mjafton të futësh kodin dhe mund ta gjurmosh çështjen përmes platformës online, për të cilën kemi punuar deri në detaj, që klientët ta kenë sa më të thjeshtë përdorimin.

Përmes celularit mund të shkarkosh jo vetëm faturat, por mund të marrësh shërbime të ndryshme, siç është “Lidhja e re”, u shpreh Karakaçi në intervistën për gazetaren Monda Lajthia.

I pyetur për reformën e liberalizimit në tregun e furnizimit me energji elektrike, në kushtet kur emergjenca në sektorin energjetik përfundoi më 31 dhjetor 2023, kreu i OSHEE-së deklaroi se 2150 subjekte jo-familjare kanë dalë në treg të lirë, ndërsa pjesa tjetër do të vijojë gradualisht gjatë vitit 2025 e në vazhdim.

“Gjatë vitit 2022-2023 ky grup klientësh, pra 2150 subjekte biznesi, janë furnizuar me një çmim prej 18.3 lekë/kwh. Brenda grupit OSHEE kemi një kompani që ofron shërbimin e furnizimit në tregun e lirë: FTL (Furnizuesi i Tregut të Lirë Sh.A). Me anë të kësaj kompanie, secilit prej këtyre klientëve i kemi ofruar kontratë njëvjeçare me një çmim fiks, i cili është i njëjtë me çmimin e vitetve 2022-2023; pra, rreth 18 lekë/kwh. Këta klientë kanë të drejtë, nëse iu intereson, të shkëputen nga OSHEE dhe të furnizohen në treg të lire, nga subjekte të tjera të licencuara nga ERE”, tha Karakaçi.

Në lidhje me planin e ri të investimeve, OSHEE Group ka vendosur të zbatojë disa projekte me rëndësi, siç është tranformimi i rrjetit elektrik në Velipojë, ndërtimi i n/stacioneve të reja në Lezhë, Pogradec, Ksamil etj.

“Në zonën bregdetare të Spillesë, e cila ka rrjet të dobët, OSHEE-ja po ndërhyn për ta fuqizuar, siç po bëjmë edhe në Orikum për ndërtimin e dy fiderave, pra po investojmë në zona strategjeike dhe me potencial të madh zhvillimin e turizimit”, u shpreh administratori Karakaçi.

08 Janar

Enea Karakaçi: Treguesit janë në rritje, po ulim kostot e shërbimit ndaj abonentëve

Zv.Kryeministrja dhe Ministrja e Infrastrukturës dhe Energjisë, znj.Belinda Balluku, së bashku me drejtuesit e institucioneve zhvilluan në praninë e medias analizën vjetore, punët e realizuara në 2023 dhe objektivat për 2024.

 “Çdo ditë e nga pak po hedhim bazat e Shqipërisë 2030, vendit që kemi ëndërruar e projektuar vit pas viti.

Me shumë besim, ky vit, që sapo ka nisur, do të jetë akoma edhe më i mbarë për çdo shqiptar”, theksoi ministrja Balluku.

Në fjalën e saj, duke u ndalur te sektori i Energjisë, znj.Balluku vlerësoi punën e bërë në pak muaj të administratorit të ri të OSHEE Grup Enea Karakaçi, ku përmendi treguesit pozitivë të performancës së kompanisë në fund të 2023 dhe gjithashtu vendimin e marrë për rritjen e pagave të punonjësve të OSHEE grup si një tregues i vëmendjes dhe vlerësimit të kompanisë ndaj punonjësve të saj.

 Ajo përmendi ndër të tjera dhe sfidat gjatë vitit 2024 në infrastrukturë, energji, por edhe investime në porte, aeroporte e linja hekurudhore.

“Vepra e projekte konkrete që zhvillojnë vendin, rrisin ekonominë kombëtare dhe nxisin punimin. Çdo ditë e nga pak po hedhim bazat e Shqipërisë 2030, vendit që kemi ëndërruar e projektuar vit pas viti.

Me shumë besim, ky vit, që sapo ka nisur, do të jetë akoma edhe më i mbarë për çdo shqiptar”, theksoi ministrja Balluku.

Administratori i OSHEE Grup Enea Karakaçi theksoi se viti 2023 ishte një vit pozitiv sa i takon treguesve të performancës së kompanisë.

“Unë jam i lumtur që ne si OSHEE e kemi mbyllur me shifra optimiste vitin 2023, duke filluar nga niveli i humbjeve në rrjet, ku edhe këtë vit gjendemi me shifra rekord të nivelit të humbjeve në rrjet, nën 19 përqind që është detyrimi ligjor.

Ne e mbyllim 2023 në nivelin 18.93, por nuk krahasohemi me vitin 2013 që humbjet ishin 45 përqind. Ne matemi me veten tonë, në raport me vitin 2019 ku niveli i humbjeve në rrjet ishte 21.79 %’, tha administratori Karakaçi.

Sipas tij, edhe arkëtimet për vitin 2023 ishin në rritje, afro 99.3% në raport me 2019 ku kemi një rritje 1 deri në 2 % më shumë.

Për vitin 2024, kompania OSHEE grup ka në fokus përmirësimin e shërbimit ndaj qytetarit.

Një nga projektet më të rëndësishme të OSHEE Grup është  nisja e implementimit në një kuadër disavjecar të një projekti pilot për instalimin e   smart meters në kabinat transformuese të tensionit të mesëm dhe tensionit të ulët, dhe pastaj më tutje për të vijuar në konsumatorët fundorë.

Adminstratori i OSHEE grup Enea Karakaçi theksoi se rritja e pagave sidomos ndaj punonjësve të terrenit ishte një tregues i vëmendjes për punën e përkushtimin e stafit në terren. Po ashtu gjatë vitit 2024, ai theksoi se do të vijojë punësimi në sektorë të ndryshëm të kompanisë me elektricistë e inxhinierë.

Vetëm gjatë një periudhe shumë të shkurtër janë punësuar rreth 154 elektricistë të rinj dhe 21 inxhinierë elektrikë dhe kjo do të vazhdojë edhe gjatë vitit 2024.

Për vitin 2024, OSHEE Grup do të fokusohet dhe në reformën e derregullimit e cila ka për qëllimi lehtësimin e procedurave për abonentët.

Kështu, po punohet për 59 procedura shërbime nga të cilat do të hiqen  240 dokumenta aplikuese, të cilat sjellin jo vetëm kosto për qytetarin por dhe shpenzim të kohës.

Sa i takon procedurës së lidhjeve të reja, OSHEE grup ka nisur reformën për heqjen e disa dokumenta të rëndësishme që e conin abonentin drejt palëve të treta. Kjo reform do të synojë ruajtjen e standardit dhe sigurisë por nga ana tjetër do të ofrojë për qytetarët shërbim në kohë sa më të shkurtër.

30 Dhjetor

Lista e subjekteve në tension 20kV, OSHEE Group i fton të lidhin kontratë furnizimi me FTL nga 1 janari 2024

Në zbatim të nenit 109 të ligjit Nr.43/2015 “Për Sektorin e Energjisë Elektrike” i ndryshuar dhe Urdhërit të Ministrit të Infrastrukturës dhe Energjisë Nr. 217, datë 29.12.2023 “Për miratimin e udhërrëfyesit për hapjen e tregut dhe derregullimin e çmimit të energjisë elektrike” i ndryshuar, prej muajit janar 2024, subjektet e lidhura në tensionin 20kV, nuk do të furnizohen më nga Furnizuesi i Shërbimit Universal Sh.A (FMF), por do ta sigurojnë vetë energjinë elektrike në tregun e lire të liberalizuar.

Ky vendim vjen në kuadër të legjislacionit në fuqi dhe direktivës europiane për “liberalizimin e tregut”, proces i nisur vite më parë.

Me këtë rast, OSHEE Group Sh.A, njofton 2100 subjektet e lidhura në tension 20kV se nga 1 Janari 2024, duhet të sigurojnë një furnizues të licencuar që ofron këtë shërbim.

Furnizuesit e licencuar janë të publikuar në faqen zyrtare të Entit Rregullator të Energjisë.

Një ndër këta furnizues, që prej muajit Mars 2020, ka ofruar shërbimin e furnizimit me energji elektrike për klientët e lidhur në nivel tensioni të mesëm, është edhe “Furnizuesi i Tregut të Lirë” SH.A.

OSHEE Group Sh.A fton klientët e interesuar për shërbimin e furnizimit me energji elektrike për vitin 2024, të zgjedhin Furnizuesin e Tregut të Lirë si furnizuesin e tyre (më poshtë kontrata e furnizimit me energji elektrike).

Kontratë furnizimi me energji elektrike

Çmimi i shitjes së energjisë do të jetë fiks, me afat 1-vjeçar.

Në vijim, gjeni listën e 2104 subjekteve (Nr. i Kontratës) të lidhura në tension 20kV.

Lista e subjekteve 20kV

02 Dhjetor

<strong>Nuk do të rritet tarifa e energjisë për familjarët e biznesin e vogël</strong>

Viti 2023 pritet të mbyllet me bilanc pozitiv për kompaninë OSHEE Group, bazuar mbi ecurinë e rritjes së arkëtimeve dhe reduktimit të humbjeve, duke konsoliduar performancën financiare të shoqërisë.

Në intervistën e dhënë për ABC News, administrtaori i OSHEE Group, z.Enea Karakaçi bëri një ekspoze të situatës në sector, duke e konsideruar normale, krahasuar me vitet e mëpërparshme.

“Çështja e vitit të shkuar ishte mbrojtja e konsumatorit dhe mbajtja e të njëjtave çmime siç kanë qenë para krizës. Sigurisht që kjo ndodhi falë dhe ndihmës së qeverisë shqiptare që injektoi fonde direkte për të importuar energji pa prekur tarifat për abonentët.

Qëllimi kryesor na lejoi që të gjithë konsumatorët mos të prekeshin nga rritja e krizës. Ky vit ka pasur çmime më të larta se para krizës, por të stabilizuara. Fatmirësisht për shkak të mirëmenaxhimit të të tre kompanive publike KESH, OSHEE dhe OST, ne gjendemi në një situatë të mirë dhe të kënaqëshme në fund të vitit.” tha ndër të tjera Karakaçi.

Administratori i OSHEE Grup, deklaroi gjithashtu se nga ana e kompanisë nuk është aplikuar pranë ERE rritje tarife për konsumatorët në tensionin e ulët.

“Këto biznese janë mbrojtur në një periudhë shumë të vështirë. Ajo çfarë është e sigurtë, është që kompania OSHEE Grup nuk ka aplikuar për rritje tarife për tensionin e ulët.

Pra, klientët familjarë dhe bizneset që janë të lidhur me tension të ulët do të vazhdojnë të furnizohen me të njëjtin çmim.

Një vëmendje e madhe për investime gjatë vitit 2024 do të jenë zonat bregdetare nga veriu në jug por edhe zonat malore turistike, si Thethi dhe Valbona.

“Ka pasur investime të pakta në 2023 për të mbajtur nivelin ekonomik të sektorit të balancuar. Duke pasur një nivel të kënaqur arkëtimesh dhe të uljes së humbjeve, viti 2024 të na gjejë me një plan investimesh që të na sigurojë vitin që vjen me një nivele të lartë edhe humbjesh edhe…

Fokusi ynë është në të gjithë Shqipërinë, por do të ketë vëmendje të shtuar në zonat bregdetare, dhe shkojmë në Durrës dhe në jug. Ka disa investime të rëndësishme në Palasë, Himarë të një projekti me qeverinë italiane që ishte stopuar prej vitit 2017 por ashtu parashikojmë investime në Orikum. Fokus do të jenë edhe zonat turistike në veri. Ka nisur investimi në Theth, ndërtimi i linjës 129 km linjë ajrore. Unë e di se ato zona kanë ankesa për cilësinë e shërbimit, por ka investime si në Valbonë dhe Theth, që vitin pasardhës të gjenden me një cilësi të mirë shërbimi.”, u shpreh administratori i OSHEE Group.

Prej muajit dhjetor, të gjithë punonjësit e kompanisë OSHEE Group do të përfitojnë nga vendimi për rritjen e pagës, ku përfituesit kryesorë janë mbi 3 mijë punonjës terreni, elektriçistë, faturues, etj.

Sa i përket festave të fundvitit, OSHEE Group do ketë një plan masash për mirëmenaxhimin e situatës së furnizimit me energji elektrike përmes grupeve të punës të cilët do të jenë në dispozicionin e konsumatorit 24 orë.

24 Nëntor

Furnizuesi i Tregut të Lirë blen energji për muajin dhjetor 2023

Furnizuesi i Tregut të Lirë zhvilloi në datën 24 nëntor 2023, në platformën online të blerjes së energjisë elektrike, procedurën “Blerje energjie për periudhen 01-31 Dhjetor 2023”

Pjesëmarrësit në procedurë ishin 8 shoqëri:

PROINFINIT CONSULTING SH.P.K

ReNRGY TRADING GROUP SH.P.K

EZ-5 ENERGY SH.P.K

ENER TRADE SH.P.K

FUTURE ENERGY TRADING AND EXCHANGE DINAMICS SH.P.K

AlbEsp TRADING & CONSULTING SH.P.K

GEN-I TIRANA SH.P.K

GSA SH.P.K

Në këtë procedurë u kontraktua  sasia prej 5,208 MËh, me cmim 117.15 Eu/MËh dhe vlerë totale 610,094.88 Euro.

Shoqëritë fituese u shpallën:

 PROINFINIT CONSULTING  SH.P.K

ReNRGY TRADING GROUP  SH.P.K

09 Nëntor

Vidhnin energji elektrike, procedohen në polici 11 subjekte private

Pas inspektimeve të shumta që kanë kryer në muajin tetor, strukturat e kontrollit pranë OSSH-së, pjesë e OSHEE Group, kanë konstatuar raste të abuzimit me energjinë elektrike në disa zona të vendit.

Nga raporti i punës së Departamentit të Kontrollit dhe Rikuperimit të Humbjeve (DKRH), referuar 1584 kontrolleve të ushtruara në rang vendi, janë zbuluar dhe porceduar në Policinë e Shtetit 11 subjekte private, pasi janë kapur në flagrancë duke vjedhur energji elektrike me linjë të dyte ose duke ndërhyrë në matës. 

Nga kontrollet u zbuluan edhe 24 subjekte private, që tarifoheshin si klientë familjarë, ndaj të cilëve u morën masat sipas akteve të përcaktuara nga Enti Rregullator i Energjisë Elektrike.

Përmes strukturës së posaçme, OSSH-ja ka për detyrë kontrollin dhe verifikimin e vazhdueshëm të sistemit të matjes dhe të faturimit dhe, për rrjedhojë, për muajin tetor ka rikuperuar 2.2 milionë kilovatë energji elektrike. 

06 Nëntor

Rriten pagat për punonjësit e OSHEE Group, Karakaçi: Rritje me 30% për punonjësit e terrenit; do të paguhet edhe vjetërsia

Shoqëria OSHEE Group ka miratuar një sistem të ri pagash për të gjithë punonjësit e kompanisë OSHEE dhe kompanitë bija.

Gjatë një takimi me drejtuesit e kompanisë OSHEE Group dhe administratorët e kompanive bija OSSH, FSHU dhe FTL, zv/kryeministrja dhe njëkohësisht ministre e Energjisë dhe Infrastrukturës, znj. Belinda Balluku, falënderoi punonjësit e terrenit për përballimin e motit të keq në fundjavë, duke riparuar me shpejtësi defektet dhe duke rikthyer energjinë në të gjitha zonat e prekura nga avaritë.

Ministrja Balluku tha se të gjitha pagat e OSHEE Group do të rriten sipas sektorëve, por rritja më e madhe do të përfshijë punonjësit që mbajnë peshën më të madhe të punës, duke filluar nga elektricistët, faturistët etj.

“Një vlerësim më se i merituar për punën, sakrificën dhe kontributin e tyre, duke qenë në gatishmëri, ditë – natë, për të garantuar furnizimin me energji elektrike për të gjithë qytetarët. Të vendosur për të shpërblyer mundin e njerëzve të punës, pa lënë mënjanë edhe investimet që lehtësojnë e përmirësojnë kushtet”, tha ministrja Balluku.

Sipas ministres së Energjisë, Belinda Balluku, lajm i mirë është edhe rritja e nivelit të arkëtimeve në 113%, si pasojë edhe e mbledhjes së debive.

Administratori i kompanisë OSHEE Group, zoti Enea Karakaçi, theksoi në fjalën e tij se punonjësit e terrenit, elektricistë dhe faturistë, do të kenë një rritje mesatare të pagave në masën 30%.

 “Faktor domethënës është jo vetëm rritja 30% e pagës mesatare për elektricistë dhe punonjës të terrenit, por për herë të parë ne përfshijmë edhe vjetërsinë e punës, gjë e pa aplikuar më parë në kompani”, tha administratori i OSHEE Group, zoti Enea Karakaçi.

Më poshtë fjala e plotë e administratorit të OSHEE Group, Enea Karakaçi

Është një ditë e veçantë për gjithë shoqërinë OSHEE GROUP dhe të gjitha kompanitë e saj bija, sepse vij këtu të njoftoj rritjen e pagës për të gjithë punonjësit e kompanisë OSHEE Group.

Kjo rritje do të jetë më substanciale për punonjësit e terrenit dhe prek me rritje page 30% rreth 3 mijë punonjës të terrenit, elektriçistë, pa lënë mënjanë edhe faturuesit.

Si kemi ardhur deri këtu?

Kjo rritje e pagave vjen si sukses i gjithë sektorit të energjisë, por dhe reformave të ndërmarra në vite. Kjo dëshmon një shëndoshmëri të kompanisë, jo vetëm OSHEE Group dhe kompanive bija, por të gjithë sektorit të energjisë dhe të kompanive që e përbëjnë atë.

Është e rëndësishme të themi disa elementë bazë nga kemi ardhur dhe ku jemi sot.

Duhet të theksojmë se më parë arkëtoheshin rreth 350 milionë euro në vit, ndërkohë sot OSHEE Group arkëton mbi 800 milionë euro në vit. Ne presim që vitin 2023 ta mbyllim me një nivel arkëtimi mbi 800 milionë euro. Po ashtu, norma e arkëtimit ishte 75%, ndërsa sot norma mesatare e arkëtimit është 98%. Ne shikojmë se çdo muaj ka përmirësim. Muaji tetor u mbyll me mbi 113%, që është ndër normat rekord të arkëtimeve.

Sa u takon humbjeve, dikur ishte në nivelin 45%, kurse këtë vit kemi një shifër rekord në 19% të nivelit të humbjeve. Theksojmë se në verë niveli i humbjeve arriti 14%.

Nisur nga këto rezultate, në vijim të politikave që ka ndërmarrë qeveria shqiptare, ne vijmë këtu me vendimin për rritjen e pagave, sidomos për ata punonjës, që tregojnë gatishmëri në çdo ditë të javës, 24 orë.

Ditët e fundit, nisur nga kushtet e motit, punonjësit tanë kanë qenë në terren, ndaj sot kemi energji të pandërprerë. Të gjitha këto rezultate nuk do të ishin të mundura pa punën e gjithë elektricistëve dhe punonjësve të terrenit, që unë dua t’i përshëndes dhe këtu sot, ku gjendet një pjesë e tyre.

Siç e referova, kjo rritje pagash vjen në vijim të politikave të qeverisë. Faktor domethënës është rritja 30% jo vetëm e pagës mesatare për elektricistë dhe punonjës të terrenit, por për herë të parë ne përfshijmë edhe vjetërsinë e punës, gjë e cila nuk ka qenë aplikuar më parë në kompani.

Arsyeja e këtij vendimi është jo vetëm për t’i dhënë vazhdimësi sektorit, por edhe për të krijuar në shoqërinë OSHEE Group një sistem karriere, ku vlerësohen ata që kanë mbi 10, 15, 20 vite në sektor.

Kjo tregon që ne duhet të rritim gatishmërinë tonë, duhet të përmirësojmë nivelin e shërbimit ndaj klientëve, pasi e dimë se ka nevojë për përmirësime. Ne e dimë që sfidat e radhës do të jenë inovacioni dhe digjitalizimi, në mënyrë që të jemi sa më afër qytetarëve.

24 Tetor

Furnizuesi i Tregut të Lirë blen energji për muajin nëntor 2023

Furnizuesi i Tregut të Lirë (FTL Sh.A), pjesë e OSHEE Group Sh.A, zhvilloi në datën 24.10.2023, në platformën online të blerjes së energjisë elektrike, procedurën “Blerje energjie për periudhën 01-30 nëntor 2023”.

Pjesëmarrësit në procedurë ishin 8 shoqëri si më poshtë :

 EZ-5 ENERGY SH.P.K

ENER TRADE SH.P.K

NOA ENERGY TRADE SH.P.K

AYEN ENERGY TRADING SH.A

AlbEsp TRADING & CONSULTING SH.P.K

PROINFINIT CONSULTING SH.P.K

ReNRGY TRADING GROUP SH.P.K

GEN-I TIRANA SH.P.K

Në këtë procedurë u kontraktua  sasia prej 4,320 MËh, me çmim 131.45 Eu/MËh dhe vlerë totale 567,864.00 Euro.

Shoqëria fituese u shpall  “EZ-5 ENERGY”  SH.P.K.