Rikonstruktohet NST Hoxharë në Fier, Balluku: Investimi i OSSH me vlerë për zhvillimin e zonës, përmirësim rrënjësor i cilësisë së furnizimit me energji

Ministrja e Infrastrukturës dhe Energjisë Belinda Balluku vizitoi nga afër investimin e kryer në nënstacionin elektrik të Hoxharës me fondet e Operatorit të Sistemit të Shpërndarjes. Balluku vlerësoi investimet e realizuara në këtë nënstacion cka kanë bërë të mundur që me dyfishimin e kapaciteteve, të përmirësohet rrënjësisht cilësia e furnizimit me energji elektrike.

“Ky është nënstacioni elektrik i Hoxharës në Fier, tashmë i transformuar rrënjësisht dhe me kapacitete të dyfishuara, në sajë të investimeve të realizuara, në funksion të zhvillimit të mëtejshëm ekonomik të zonës, si dhe cilësisë më të mirë furnizimi me energji elektrike për afro 20 mijë banorët”, u shpreh ministrja Balluku në prononcimin e saj.