Back
10 Gusht

Shkodër, aksion gjatë natës, në pranga 51 abonentë për vjedhje të energjisë elektrike

OSHEE vijon kontrollet normalisht, duke u fokusuar tek ato fidra, ku humbjet në rrjet janë më të larta.

Te dhënat e fundit nga Drejtoria Rajonale e OSHEE-së në Shkodër tregojnë për një punë të vazhdueshme kundër abuzimit me energjinë elektrike.

Në dy javët e fundit, përfshi edhe të dhënat e datës 8 gusht, janë proceduar penalisht 51 abonentë, me akuzën e vjedhjes së energjisë elektrike në kundërshtim të plotë me ligjin.

Mbi 65% e vjedhjes së energjisë është konstatuar në zonat e Koplikut dhe të Bushatit dhe forma më e përdorur është furnizimi me linja të dyta jashtë matjes, si edhe përmes manipulimit të matësit.

Sipas Rezart Isufaj, drejtor i Drejtorisë Rajonale OSHEE Shkodër, mesatarisht çdo ditë kryhen 70 kontrolle, kryesisht në fidrat me humbje më të lartë; në orët e pasdites dhe darkës.

OSHEE është e detyruar të përsërisë faktin se askush nuk kallëzohet në polici se është debitor ndaj faturave, por në zbatim të nenit 137 të Kodit Penal ndëshkohen ata persona që:
Vjedhin energjinë elektrike
Dëmtojnë matësin

Gjithashtu, “Çdo ndërhyrje tjetër e paligjshme dhe e paautorizuar në sistemin e matjes apo në rrjetin elektrik me qëllim përfitimi të paligjshëm, përbën vepër penale dhe dënohet me burgim deri në tre vjet”, thuhet ne nenin 137.
Kur kjo vepër penale kryhet në bashkëpunim, më shumë se një herë, ose nga përdoruesit jofamiljarë të energjisë elektrike ose të rrjetit të shërbimit telefonik, dënohet me burgim nga një deri në pesë vjet.

OSHEE është e vendosur të luftojë pa kompromis evazionin ne sektorin e energjisë elektrike, për të vendosur barazi në këtë sektor; ku përfitimet nga zbatimi i ligjit në pagesat e faturave do të jenë shumë herë më të mëdha në favor të abonentit, dhe në investime për një shërbim më të lartë dhe cilësor.WhatsApp Image 2018-08-10 at 12.04.13

06 Gusht

Aksioni i OSHEE në rajonet Durrës-Shkodër për vjedhjen e energjisë, procedohen 5 subjekte private

OSHEE vijon kontrollet për zbatimin e ligjit në rrjetin e shpërndarjes së energjisë elektrike, ku në fokus nuk janë vetëm debitorët, por edhe abonentët që dyshohen për vjedhje të energjisë.
Nga kontrollet e fundit, janë zbuluar 5 raste të vjedhjes në mënyrë flagrantë të energjisë elektrike nga subjekte private, biznese kryesisht hoteleri, restorant, bar kafe, etj.
Referuar kontratave, abonentet janë:
Arian F.
Kudret G.
Martin H.
Sherife B.
Sanije H.

Dy prej tyre janë shpallur në kërkim në çastin e konstatimit të vedhjes së energjisë elektrike, në prani të oficerëve të Policisë së Shtetit dhe të Hetimit.
Forma e vjedhjes ishte manipulimi i matësit, furnizimi me energji elektrike pa patur kontratë me OSHEE, si dhe rilidhje të paligjshme të energjisë për ndërprerje si debitore.
Rastet me dokumentacionin përkatës i janë përcjellë organeve kompetente.

06 Gusht

Bilanci 6-mujor i 2018, OSHEE ul humbjet në 25.4%, rriten arkëtimet me 33.4 miliardë Lekë

Operatori i Shpërndarjes së Energjisë Elektrike (OSHEE Sh.A) ka publikuar të dhënat bazë të aktivitetit të saj 6-mujor, duke konfirmuar rrugën pozitive të rimëkëmbjes dhe stabilitetit në sektorin e energjisë elektrike.

Treguesi kryesor, niveli i humbjeve në rrjet, periudha janar-qershor 2018, ka shënuar nivelin e 25.4 nga 28.6% që ishte në 2017, për të njëjtën periudhë, ndërkohë para nisjes së reformës, niveli i humbjeve ishte 45.3%.

Për tu theksuar, është fakti se në muajin qershor 2018, OSHEE arriti të zbrisë nivelin e humbjeve në nivelin 20.8%, tregues ky optimist për realizimin e objektivave të vendosura nga qeveria dhe partnerët e huaj.

Elton Sevrani, Drejtor i Divizionit Tregtar, deklaron se, humbjet e energjisë janë ulur në raport me 6-Mujorin e parë 2017 me 3.2%. “Investimet përgjatë 2016-2018), administrimi i kompanisë si dhe angazhimi i punonjësve të OSHEE kanë rezultuar të suksesshme duke ulur nivelin e humbjeve dhe rritur të ardhurat. Pa harruar punën e vazhdueshme me kontrollet në terren, për matjen dhe reduktimin e vjedhjes së energjisë, projektet dhe planet e ndryshme të veprimit, të cilat kanë dhënë kontribut pozitiv në reduktimin e nivelit të humbjeve teknike dhe jo-teknike”, analizon Sevrani.

Në lidhje me arkëtimet, totali si 6-mujor i parë 2018 arriti në 33.4 miliardë lekë, ose 1.5 miliardë më tepër se ne 2017, pra me rritje 4.7%.

Normës së Arkëtimit ndaj faturës pararendëse, e cila në 6-mujorin 2018 arriti 101.2% (për disa vite ka qenë rreth 70%), me rritje në masën 2.8% në raport me 6-mujorin 2017.

Të dhënat më lart, janë rezultat i realizimit të planeve të punës dhe ndërgjegjesimit të klientëve për pagesat në kohë të faturave të energjisë elektrike.

https://www.youtube.com/watch?v=NlQV5pgJOF0

27 Korrik

OSHEE Tiranë, tjetër investim në rrjetin 20kV të Selitës, ja zonat që përfshihen në projekt

Drejtoria Rajonale e OSHEE-së Tiranë ka nisur një tjetër investim me rëndësi per rritjen e sigurisë dhe cilësisë së furnizimit me energji elektrike në një nga zonat më të populluara të Kryeqytetit, zhvilluar vitet e fundit.

Tashmë në zonën e Selitës po ndërtohet rrjeti 20 kV (fider i ri, S2), i cili lidhet me Nst e ri të Selitës, dhe prek zonat si:
Qyteti i Nxënësve në rruget: Bedri Karapici, Pirro Goda dhe Hamdi Cullhaj. Investimi prek edhe zonën industriale të ish-Kombinatit “Misto Mame”, i cili vijon në drejtim të Kombinatit.

23 Korrik

Nënstacion i ri në Gjirin e Lalëzit, Gjiknuri dhe Çela inspektojnë punimet

Ministri i Infrastrukturës Damian Gjiknuri bashkë me administratorin e Operatorit të Shpërndarjes së Energjisë Elektrike Adrian Çela inspektuan kantierin ku po punohet për ndërtimin e nënstacionit të ri në zonën e Gjirit të Lalëzit. Investimi në vlerën 458 milion lek është kryer në masën 40% deri më tani ndërsa parashikon pritet të përfundojë plotësisht në fillim të vitit të ardhshëm. Paralelisht me këtë investim, Operatori i Sistemit të Transmetimit po ndërton linjën 110 kV Sallmone-Gjiri i Lalëzit.

“Është një zonë e cila është që nga koha e elektrifikimit e paprekur, e painvestuar përsa i përket energjisë elektrike. Ka nisur fazën e parë që është realizimi i këtij nënstacioni dhe do të pasohet me fazën e dytë në fund të vitit, me zhvillimin e rrjetit 20 kilovolt që është një investim tjetër rreth 1 miliardë lekë të reja, ku parashikohen rreth 10 fidera të linjës 20 kilovolt dhe zgjidhin përfundimisht problemin e energjisë elektrike të gjithë kësaj zonës, jo vetëm të Gjirit të Lalzit, të fshatrave përreth, Hamallaj e Ishëm. Paratë që qytetarët paguajnë për konsumin e energjisë elektrike, Operatori ia kthen qytetarëve me cilësi shërbimi me investime me një furnizim më të mirë të energjisë elektrike”, sqaroi administratori i OSHEE, Çela.

Ministri Gjiknuri u ndal tek filozofia me të cilën tanimë do të strukturohet plani i investimeve që do të kryhen në rrjetin elektrik me përparësi turizmin.

“Investimet në këtë fazë do të fokusohen në dy drejtime: Një, duke i paraprirë zhvillimeve të mundshme apo duke investuar në ato zona që kanë potencial të madh të rritjes ekonomike, siç janë zonat me përparësi turizmi. Këtu jemi në një nga zonat, por njëkohësisht do të investohet në zonën e bregut, në zonën e Orikumit dhe në bregdetin e Velipojës në mënyrë që i gjithë brezi ku pritet një investim i madh në fushën e turizmit dhe ku do të ketë aktivitet ekonomik të shtuar do të mbulohet me një furnizim bashkëkohor të energjisë elektrike”, u shpreh ministri Gjiknuri.

Sipas tij, objektivi i dytë është kryerja e investimeve në ato element që çojnë në mirëmenaxhimin e kompanisë. “Së dyti, investimet do të drejtohen në miradministrim dhe uljen e humbjeve që do të thotë investimet e ardhshme do të fokusohen në sistemet e matjes, në sistemet e menaxhimit të flukseve të energjisë në mënyrë që të administrohen më mirë të ardhurat nga Operatori i Shpërndarjes së Energjisë Elektrike dhe që do të bëjnë të mundur në të ardhmen edhe fillimin e hapave të parë të liberalizimit të tregut të energjisë elektrike”, nënvizoi Gjiknuri.

Deri më tani OSHEE ka investuar mbi 1.5 miliard Lekë për infrastrukturën energjetike nga Gjiri i Lalzit, pjesa e plazhit (Adriatiku), e deri në Golem të Kavajës.

13 Korrik

Investimet në energji, edicioni i dytë i “Energy Expo & Forum 2018” zhvillohet në Tiranë në datat 5-6 tetor

Në datat 5-6 tetor do të zhvillohet në Tiranë në Expocity Albania, edicioni i dytë i forumit për energjinë “Energy Expo & Forum 2018”.

Fokus i diskutimeve do të jenë investimet në energji, potencialet e mëdha që kanë vendet e rajonit si Shqipëria, Kosova, Mali i Zi, Maqedonia, Greqia, Kroacia dhe Serbia.

Ligji i ri për Energjinë e Rinovueshme miratuar vitin e kaluar dhe kuadri ligjor i rregulluar do të krijojë perspektiva të reja për investime dhe bashkëpunim.

Risia e këtij edicioni të dytë është pjesëmarrja e pothuajse të gjitha vendeve të rajonit dhe më gjerë si dhe temat që do të trajtohen,sic janë çështjet mjedisore, ndryshimet klimatike, çështjet e teknologjisë së ndërtimit në lidhje me efikasitetin e energjisë etj.

“Ditët e energjisë për rajonin” do të mbledhin në Tiranë prodhuesit e sektorit të energjisë së rinovueshme, duke u bërë platforma kryesore B2B për investitorët, zhvilluesit dhe konsulentët.

Pjesëmarrësit në forum do të këshillohen në të gjithë spektrin e sektorit të energjisë në lidhje me mundësitë, procesin e tenderimit dhe sfidat, me një fokus të veçantë në sektorin e energjisë së rinovueshme dhe të ardhmen e energjisë në Shqipëri dhe rajon.

05 Korrik

Bursa dhe tregu i përbashkët energjetik Shqipëri-Kosovë, Sevrani: Kujdes me konsumatorët!

featured kosovo
Katër vitet e reformes në energji paraqitën nje zhvillim dinamik te sektorit, me rezultate historike pozitive, shoqëruar me ndryshim ligji, rregullore dhe model të ri tregu, por me ndrojën e ndikimit të mundshëm “negativ” prej kushteve klimaterike.

Viti 2017 u shoqërua me thatësirë reshjesh dhe ulje të prodhimit vendas, edhe në vendet e rajonit.
Kjo solli rritje të çmimit në tregje.

OSHEE u detyrua të blejë jashtë parashikimeve 100 milionë euro energji elektrike.
Viti 2018 nisi me superprodhim të energjisë elektrike, nga shoqëritë me pronar shtet dhe privat.

Shkaku ishin reshjet e shumta, por edhe në këtë rast OSHEE nuk mundi të përthithte të mirat e motit, pasi sërish energjinë e bleu më shtrenjtë.
Në të dyja rastet, kemi handikap!!

Të mbledhur në Prishtinë më 18 qershor, për Forumin e Dytë Ndërkombëtar “Bashkimi i tregut në sektorin e energjisë mes Shqipërisë dhe Kosovës – Roli i krijimit të shkëmbimit të përbashkët të energjisë në këtë proces”, organizuar nga AlbKonfindustria, në tryezë ishin të pranishëm
drejtues të lartë nga Ministria e Zhvillimit Ekonomik e Kosovës, Ministria e Infrastrukturës dhe Energjisë e Shqipërisë, OSHEE, KOSTT (homologe e OSHEE ne Kosove) Entet Rregullatorë të të dyja vendeve, USAID, IFC, etj.

Në këtë forum të rëndësishëm, nuk mungonte askush nga institucionet që kanë në dore “fatin” e krijimit të një modeli të përbashkët tregtar: plotësimin e nevojave me energji elektrike, por … me kosto të ulët për kompanitë, gjë e cila do të reflektojë edhe te konsumatori.
Elton Sevrani, njohës i mirë i fushës së tregtimit të energjisë, aktualisht Drejtor i Divizionit Tregtar, i pranishëm në forum, bëri një ekspoze të situatës financiare të kompanisë:

“Në 3 vite stabilizuam gjendjen e sektorit, rritëm arkëtimet dhe ulëm humbjet, fitimet u rritën, borxhet po shlyen, gjithashtu edhe pagesat e taksave u shumëfishuan në arkën e shtetit.

Më e rëndësishmja, investuam në tre vite sa nuk ishte bërë në 20 vite!!

Pavaresisht më lartë, “diçka” na pengon të zhvillojmë më tej sektorin tonë të përbashkët.

Një operatori që i njihet puna për uljen e humbjeve për rritjen e arketimeve dhe për stabilititetin ekonomik të kompanisë, me një nivel të ardhurash të pranueshme më të lartat në historik, por që nuk arrin dot të rikuperojë kostot e larta të energjisë së prodhuesve me përparësi të energjisë duke na xhiruar një problematikë financiare në periudhën korrik 2017 – qershor 2018.

Sepse në periudhën e thatësirës hidrike, tregjet ndërkombëtare ishin të larta dhe cmimet e blerjes në treg të parregulluar variuan nga 60 në 90 euro për megavat

Në periudhën kur kemi situatë shumë të mirë hidrike sic e ka Shqipëria, prodhimi i prodhuesve me përparësi, Hec-et e vegjël, është shumë i lartë, arrin të hyjë në një masë të konsiderueshme në plotësimin e kërkesave të klientëve fundore duke e amortizuar negativisht atë prodhim që KESH ofron për klientët fundore.

Në të dyja rastet kemi cmim të lartë”, analizon kreu i Divizionit Tregtar në Operatorin e Shperndarjes se Energjise Elektrike (OSHEE Sh.A).
Sevrani uron që mekanizmi i tregut të propozuar, bursa e energjisë, këto kosto t’i ulë.

Cilat janë propozimet?

Sipas ministrit të Zhvillimit Ekonomik të Kosovës, Valdrin Lluka,

“Bursa e përbashkët e energjisë shërben për të vendosur një çmim referent në tregun vendor, i cili mundëson likuiditet më të madh dhe zhvillim të konkurrencës në treg, ndërsa bashkimi i tregut të energjisë Kosovë-Shqipëri ndikon në mirëqenien ekonomike të të dyja vendeve dhe do të sjell përfitime për to”.

Sipas Sevranit, tregjet e vogla nuk japin mundësi të kesh alternativa, ndaj propozohet zgjerimi i tregut duke përfshirë dhe Kosovën, ndërsa Lluka tha se të dyja palët janë duke punuar në hartimin e udhërrëfyesit për integrimin energjetik europian.

“Janë nënshkruar dy marrëveshje të mirëkuptimit, një në vitin 2014 për integrimin e tregut në mes të Kosovës dhe Shqipërisë si dhe një marrëveshje tjetër është nënshkruar në vitin 2017, për krijimin e bursës energjetike”, nënvizoi Lluka.

Sipas minsitrit Lluka, në këtë bursë energjetike do të jetë aksionare, OSHEE dhe KOSTT, por u lihet hapësirë edhe operatorëve të tjerë, që duan të jenë pjesë e saj.

Për këtë është formuar një grup i përbashkët, i cili po punon për këtë projekt të rëndësishëm për të dyja vendet.

Kreu i Divizionit Tregtar në OSHEE duket pak skeptik dhe jep disa popozime.

“Shoh që ne kemi dy forma deri diku të ndryshme, prodhuesit për ju në Kosovë, u merret dhe u blihet energjia nga OST, ndërsa tek ne është kompania OSHEE, një pikë që duhet unifikuar.

Shoh që teknikisht jemi ende herët që ta pranojmë ekzistencën e tregut më të gjerë, kur të dyja shtetet kemi nga 26% treg teorikisht të lirë që mund të plotësohet nga blerjet në tregun e parregulluar.
Por në rastin e Shqipërisë kjo ska vlerë, sepse prodhimi i prodhuesve të vegjël menjëherë e zhduk këtë treg.
Unë e kam përcaktuar në kërkesat finale, që ndryshimet ligjore duhet të jenë të menjëhershme”.

Të pranishëm në forum ishin edhe drejtues nga Ministria e Infrastrukturës dhe Energjisë, si dhe Enti Rregullator, ndaj dhe Sevrani propozoi me pikëpyetje rishikimin e kontratave me prodhuesit e vegjël.

“Nuk e di nëse mund të azhornohen kontratat 15-vjeçare, duke bindur investitorët për një normë kthimi të investimit me një çmim të përcaktuar në bazë të një formule?!”.

Ministri Lluka ritheksoi se problemi me Serbinë, e cila nuk po e respekton marrëveshjen për energjinë, po bën të pamundur integrimin e tregut të përbashkët me Shqipërinë e po ashtu e pamundëson edhe përfshirjen e KOSTT-it në bursën shqiptare.

Parimi i kërkesë/ ofertë, ka të bëjë me mënyrën sesi tregjet duhet të funksionojnë, se si çmimi më i mirë i ulët vjen kur kërkesa dhe oferta priten, kur kemi një kërkesë më të lartë se oferta, ky çmim synon të rritet ose kur oferta është e lartë, ky çmim synon të ulet.

Deri këtu dakord, por Sevrani vijon të jetë skeptik tek faktori “konsumator”.
“Këto zhvillime nuk po na japin vizionin e qartë se çfarë do të ndodhë me çmimin e konsumatorit fundor, përgjegjësi e OSHEE në funksionin e furnizuesit të shërbimit universal.”

Hans Arild Bredesen nga “Nord Pool Consulting” ka folur për për përparësitë dhe funksionimin e bursës dhe tregut të përbashkët energjetik dhe rolin e entiteteve pjesëmarrëse.

Bredesen, duke bërë krahasime me tregun e energjisë të vendeve skandinave si Suedia, Norvegjia, tha se sistemet energjetike të Kosovës dhe Shqipërisë, e para e bazuar në thëngjill dhe e dyta në hidro, mund të plotësojnë njëra tjetrën dhe sjellin përfitime të dyanshme dhe njëkohësisht mundësojnë qarkullimin e energjisë në treg me çmim sa më të lirë.

Zëvendësministrja e Infrastrukturës dhe Energjisë e Shqipërisë, Dorina Cinari, tha se me Strategjinë Kombëtare të Energjisë për Shqipërinë 2030 parashikohet zhvillimi i këtij sektori.

Sipas saj, kjo strategji parashikon zhvillimin e burimeve kombëtare të energjisë, tregun rajonal të integruar të energjisë, bazuar në parimet e tregut për të përmbushur kërkesën për energji dhe zhvillim të qëndrueshëm ekonomik duke siguruar furnizim të rregullt me energji, mbrojtjen e ambientit dhe rritjen e mirëqenies me kosto minimale sociale.

29 Qershor

OSHEE u përgjigjet banorëve të fshatit Anës Vjosë, i jep fund neglizhencës disavjeçare dhe ofron zgjidhje

Mungesa e vëmendjes prej vitesh ishte kthyer në shqetësimin kryesor për banorët e fshatit Anës Vjosë të Tepelenës.
Cilësia e dobët e furnizimit me energji elektrike dhe defektet e shpeshta prej rrjetit të amortizuar, ishin rrjedhojë e mungesës së vëmëndjes, investimeve dhe neglizhencës disavjeçare, edhe pse banorët ishin ankuar disa herë!
Pas apelit publik për zgjidhje të problemeve, drejtori i sapo emëruar për Rajonin e Gjirokastrës, Robert Lili angazhua direkt dhe bashkë me tekniket, zhvilloi një takim me kryeplakun dhe banorët e fshatit (foto).
Banorët pranuan se gjatë vitit të fundit janë bërë një sërë nderhyrjesh ne linja dhe kabinë të dytë pë fshatin që kanë përmirësuar ndjeshëm situatën.
Nga takimi me banorët dhe kryeplakun e fshatit Anës Vjosë për problematikat e ngritura për furnizimin me energji elektrike u morën masat si më poshtë:
1. Brenda javës do të zëvendesohet transformatori i kabines qe furnizon pjesen e poshtme te fshatit per te permiresuar nivelin e tensionit.
2. Ndërrimin e izolatorëve të linjës për të minimizuar stakimet si pasojë e motit me reshje.
3. U pezullua nga puna elektricisti i zonës për neglizhence në ushtrimin e detyrës

22 Qershor

Dritat në Ksamil, merr fund vuajtja 10-vjeçare e 200 familjeve

Pavarësisht premtimeve, prej me shumë se 10 vitesh banoret e lagjes “26 Marsi” në Ksamil vuanin nga niveli i ulet tensionit, sidomos në sezonin e fluksit të turistëve.
Familjet dhe biznesi i zonës nuk mund të përdornin pajisjet elektroshtepiake dhe ato të punës!
Drejtoria Rajonale Gjirokast, pasi kreu verifikimet në terren, ne prani te banorëve, u dakordësua me ta dhe mori angazhimin të zhvillonte rrjetin brenda tre ditëve!
Në kohë rekord u ndërtua një kabine e re, duke vendosur një tranfsormator me fuqi 250 kVA , fideri 10 kV i Ksamilit (Sarandë).
“Kjo nderhyrje solli rritje tëndjeshme të nivelit të tensionit dhe cilësinë e shërbimit për rreth 200 abonentet e kësaj zone”, deklaroi drejtori i rajonit Gjirokastër, Robert Lili.
c5c268b4-32a4-422b-a6ed-6f66c4b12619

19 Qershor

Qershor 2018, Tarifa për Klientët 35kV sipas Vendimit të ERE

Operatori i Shpërndarjes së Energjisë Elektrike (OSHEE Sh.A) në funksionin e Furnizuesit të Mundësisë së Fundit, bazuar mbi rregulloren dhe aktet ligjore në fuqi, do të furnizojë klientët në nivelin e tensionit 35 kV për muajin Qershor 2018, në përputhje me vendimin e ERE-s.

Klikoni më poshtë për materialin e plotë

Qershor_Çmimi I energjise aktive per kwh leke pa tvsh